დიდი ტრაგედია – ცნობილი ქართველი მსახიობი გარდაიცვალა
მსახიობი გაბრიელ მდინარაძე გარდაიცვალა.
ინფორმაციას, ოზურგეთის სახელმწიფო დრამატული თეატრი ავრცელებს.
„გაბრიელ მდინარაძე ოზურგეთის სახელმწიფო დრამატულ თეატრს 1954 წელს შეუერთდა. იგი გახლდათ რეგიონის ერთადერთი სახალხო არტისტი, რომლის მრავალწლიანი შემოქმედებითი გზა მჭიდროდ არის დაკავშირებული ოზურგეთის სახელმწიფო დრამატული თეატრის ისტორიასთან.
იგი იყო გამორჩეული მსახიობი როგორც თეატრში, ისე კინემატოგრაფიაში, რამაც მას განსაკუთრებული ადგილი დაუმკვიდრა ქართული ხელოვნების სივრცეში.
მისი ღვაწლი ქართული თეატრის წინაშე შეფასებულია უმაღლესი პროფესიული და საზოგადოებრივი აღიარებებით. იგი იყო საქართველოს სახალხო არტისტი, ხელოვნების ქურუმის ჯილდოს მფლობელი, ვარსკვლავოსანი მსახიობი და ოზურგეთის საპატიო მოქალაქე – წოდებები, რომლებიც ნათლად ასახავს მის განსაკუთრებულ როლს ქალაქისა და რეგიონის კულტურულ ცხოვრებაში“, – წერია გავრცელებულ ინფორმაციაში.
ხვიჩა კვარაცხელია
