ქალი 16 წელი მალავდა,რომ კაცი იყო და მაშინ გაამჟღავნა სიმართლე,როდესაც შეყვარებულმა ცოლობა სთხოვა
32 წლის ჯეიმი პანდიტი (Jamie Pandit), 11 წლის ასაკში, ოჯახთან ერთად ბანგლადეშიდან ტორონტოში (კანადა) გადავიდა საცხოვრებლად, იგი აღიარებს, რომ ბავშვობიდან მოყოლებული მამაკაცად ყოფნა მისთვის არაკომფორტული იყო. 14 წლის ასაკში საბოლოოდ გააცნობიერა, რომ ტრანსგენდერი იყო. ამავე დროს, კლასელები გამუდმებით დასცინოდნენ პანდიტს, როდესაც ის სთხოვა მისთვის "გოგონა" ეწოდებინათ.
"როდესაც 16 წლის ვიყავი, სახლიდან მამაკაცის ტანსაცმლით გამოვდიოდი, შემდეგ საზოგადოებრივ ტუალეტში შევდიოდი და ქალის ტანსაცმელს ვიცვამდი . სახლში წასვლისას ისევ მამაკაცად გარდავიქმნებოდი, რათა ჩემს არცერთ ნაცნობს არ დავენახე და ეჭვქვეშ არ დაეყენებინა ჩემი გენდერული იდენტობა. ”- იხსენებს ჯეიმი.
17 წლის ასაკში პანდიტი საცხოვრებლად ლონდონში გადავიდა, სადაც არავინ იცოდა მისი ბიოლოგიური იდენტობის შესახებ. მას ჩაიტარა ჰორმონოთერაპია და გაიკეთა ოპერაცია.
მთელი ამ წლების განმავლობაში ქალს არავისთვის გაუმჟღავნებია საკუთარი წარსული შესახებ, მაგრამ როდესაც მან ურთიერთობა დაიწყო 38 წლის მამაკაცთან, სახელად ფილ სილვასთან, პანდიტი მიხვდა, რომ მასთან გულწრფელი უნდა ყოფილიყო .
ერთთვიანი ურთიერთობის შემდეგ, პარტნიორებმა სიყვარული შეჰფიცეს ერთმანეთს, ამის შემდეგ ჯეიმი გამოტყდა, რომ იგი მამაკაცად იყო დაბადებული. სილვამ უპასუხა, რომ მისთვის მნიშვნელობა არ აქვს: „მე შენ გხედავ ისეთს, როგორიც ხარ. ქალი და თანაც ლამაზი ”.
ახლა წყვილი ქორწილისთვის ემზადება. სილვა განაგრძობს საყვარლის მხარდაჭერას .იგი დაეხმარა მას საჯაროდ გაეხილა თავისი საიდუმლოება YouTube– ის არხის მეშვეობით.
მოგეწონთ ჩვენს მიერ მომზადებული სტატია? მაშინ გაუზიარეთ მეგობრებს