ამდენი ცხედარი არასდროს მინახავს, ჩვენ ნამდვილად ვაგებთ ამ ომს! - რუსი წვევამდელები უკრაინელებს პატიებას სთხოვენ
რუსმა ჯარისკაცებმა, რომლებიც უკრაინელებს ჩაბარდნენ, სპეციალური ბრიფინგი გამართეს და უკრაინელ ხალხს პატიება სთხოვეს. ჯარისკაცებმა, რომელთა ასაკიც 19-20 წელია, თქვეს, რომ რუსეთი ამ ომს აგებს, პუტინი კი ტყუის, როდესაც აცხადებს, რომ წვევამდელები ომში არ არიან ჩართული:
"უკრაინელები ძლიერი ხალხია. ისინი მამაცურად იბრძვიან, ანადგურებენ ჩვენს კოლონებს. ჩვენი მხრიდან დიდი დანაკარგებია. განადგურებულია როგორც ძვირად ღირებული ტექნიკა, ასევე ცოცხალი ძალა, ოფიცრები, რიგითები. ისინი დაიღუპნენ და ჩვენ ამის შეჩერება გვინდა.
მინდა, განვაცხადო, რომ ამ ბრიფინგზე ნებაყოფლობით ვარ მეც და დანარჩენი სამხედროებიც. გვსურს, ვილაპარაკოთ სიმართლე, როგორ კლავენ მოხუცებს, ბავშვებს. ეს ადამიანები იღუპებიან პუტინის პოლიტიკური ამბიციების გამო.
პუტინი ამბობდა, რომ აქ არ არიან წვევამდელები, მაგრამ აი, ჩვენ თქვენს წინაშე ვსხედვართ.
მინდა, მთელ უკრაინას პატიება ვთხოვო. გვაპატიეთ იმის გამო, რაც გავაკეთეთ. ძალიან ვწუხვართ ამის გამო. მე მინდა სახლში დაბრუნება. არ მინდა ამ ძალადობაში მონაწილეობის მიღება.
ამდენი ცხედარი არასდროს მინახავს, ჩვენ ნამდვილად ვაგებთ ამ ომს!" - აცხადებენ ჯარისკაცები.
მოგეწონთ ჩვენს მიერ მომზადებული სტატია? მაშინ გაუზიარეთ მეგობრებს