ესპანეთმა უკრაინის დასახმარებლად უპრეცედენტო გადაწყვეტილება მიიღო!
ესპანეთმა უკრაინისთვის იარაღის არ მიწოდებასთან დაკავშირებით მიღებული გადაწყვეტილება შეცვალა. ესპანეთის პრემიერ-მინისტრმა პედრო სანჩესმა დაადასტურა უკრაინისთვის იარაღის მიწოდებასთან დაკავშირებით პოზიციის შეცვლა. მისი თქმით, უკრაინას, რუსეთის წინააღმდეგ ომში დასახმარებლად, უახლოეს მომავალში მიეწოდება შეტევითი იარაღი. ინფორმაციას RBC UKRAINE ავრცელებს.
სანჩესის თქმით, ესპანეთი შეუერთდება იმ ქვეყნების სიას, რომლებიც პირდაპირ უკრაინას გაუგზავნიან იარაღს. უფრო მეტიც, მან განაცხადა, რომ იარაღის მიწოდება არა მშვიდობის მხარდაჭერის ფონდის მეშვეობით, როგორც აქამდე ხდებოდა, არამედ პირდაპირი გზით მოხდება.
წყარო: pia.ge
მოგეწონთ ჩვენს მიერ მომზადებული სტატია? მაშინ გაუზიარეთ მეგობრებს