კესარია აბრამიძის დედამ ალისა სირბილაძემ შვილის ბავშვობის შესახებ ისაუბრა და მოჰყვება, როდის აღმოაჩინა, რომ მისი შვილი განსხვავებული იყო და როგორ მიიღო ეს ფაქტი. 

"მოწესრიგება მისი ჰობი იყო. ბაღში როცა მიმყავდა, მთხოვდა, რომ კაბა ჩამეცმია. ისე ვნერვიულობდი, რად უნდა კაბა-თქო. იძულებული გავხდი, ჩავაცვი კაბა და წავიყვანე. ბაღში არაფერი უთქვამთ, ჩვეულებრივი რეაქცია ჰქონდათ... სკოლაში უფრო მეტი პრობლემა იყო, მასწავლებლებისგან, საზოგადოებისგან...

მამამისი მუშაობდა და იმდენს ვერ ხედავდა, რამდენსაც დედა. როგორც ასეთი, ისიც მიეჩვია, რა უნდა ექნა. ბავშვობიდან ნორმად ჩავუთვალეთ. საზოგადოებაში ზოგს არ მოსწონდა, მაგრამ ჩვენ გაჩერებული ვიყავით, ჩუმად ვიყავით...

ბავშვობიდან ძალიან ლამაზი იყო. აპრეხილი წამწამები, "კურნოსა" ცხვირი, ლამაზი ტუჩი, თეთრი სახე და ქერა თმა - ძალიან ლამაზი იყო. 14-15 წლის ასაკში პროფესორებთან წავიყვანე. მითხრეს, რომ ქალის ჰორმონები აქვს ძალიან მოჭარბებული და ამისგან კაცს ნუ ელოდებიო.

იმ პერიოდში ასე 1000 ადამიანიდან შეიძლება, 2 ყოფილიყო. ძალიან ბევრი ვიფიქრე და მივყევი იმას, რაც მას უნდოდა. საზოგადოება ამას არასდროს მიიღებდა. მე უნდა დავმდგარიყავი მის გვერდით. მან იცოდა, როგორ ემოქმედა. მე სტიმული უნდა მიმეცა და მეთქვა: "ნუ გეშინია, აგერ ვარ." ოჯახის ყველა წევრს ეს ასე არ მიუღია, მაგრამ თანდათან ყველაფერს ეჩვევი. ძალიან ძნელი იყო. ძალიან ბევრი იბრძოლა. საზოგადოებაში ზოგმა მიიღო, ზოგმა ვერ მიიღო, ზოგმა დასცინა, მაგრამ საბოლოოდ მიაღწია იმას, რაც უნდოდა", - განაცხადა  კესარიას დედამ.

წყარო: resonancedaily.com

ხვიჩა კვარაცხელია​​​​